||Sundarakanda ||
|| Sarga 7||( Only Slokas in Guajarati )
हरिः ओम्
Select Sloka Script in Devanagari / Telugu/ Kannada/ Gujarati /English
સુંદરકાંડ.
અથ સપ્તમસ્સર્ગઃ
સ વેશ્મજાલં બલવાન્ દદર્શ વ્યાસક્ત વૈઢૂર્યસુવર્ણજાલમ્|
યથામહત્પ્રાવૃષિ મેઘજાલમ્ વિદુત્પિનદ્ધં સવિહંગજાલમ્||1||
નિવેશનાનાં વિવિધાશ્ચશાલાઃ પ્રધાનશંખાયુધચાપશાલાઃ|
મનોહરાશ્ચાપિપુનર્વિશાલાઃ દદર્શ વેશ્માદ્રિષુ ચંદ્રશાલાઃ||2||
ગૃહાણિ નાનાવસુરાજિતાનિ દેવાસુરરૈશ્ચાપિ સુપૂજિતાનિ|
સર્વૈશ્ચ દોષૈઃ પરિવર્જિતાનિ કપિર્દદર્શ સ્વબલાર્જિતાનિ||3||
તાનિ પ્રયત્નાભિસમાહિતાનિ મયેવ સાક્ષાદિવ નિર્મિતાનિ|
મહીતલે સર્વ ગુણોત્તરાણી દદર્શ લંકાધિપતેર્ગૃહાણિ||4||
તતો દદર્શોચ્છ્રિતમેઘરૂપમ્ મનોહરં કાંચનચારુરૂપમ્|
રક્ષોsધિપ સ્યાત્મબલાનુરૂપમ્ ગૃહોત્તમં હ્યપ્રતિરૂપરૂપમ્||5||
મહીતલે સ્વર્ગમિવ પ્રકીર્ણમ્ શ્રિયાજ્વલંતં બહુરત્ન કીર્ણમ્|
નાનાતરૂણાં કુસુમાવકીર્ણમ્ ગિરેરિવાગ્રં રજસાવકીર્ણમ્||6||
નારીપ્રવેકૈરિવ દીપ્યમાનમ્ તટિદ્ભિ રંભોદવ દર્ચ્યમાનમ્|
હંસપ્રવેકૈરિવ વાહ્યમાનમ્ શ્રિયાયુતં કે સુકૃતં વિમાનમ્||7||
યથા નગાગ્રં બહુધાતુચિત્રમ્ યથા નભશ્ચ ગ્રહચંદ્રચિત્રમ્|
દદર્શયુક્તીકૃત મેઘચિત્રમ્ વિમાનરત્નં બહુરત્ન ચિત્રમ્||8||
મહીકૃતા પર્વતરાજિપૂર્ણા શૈલાઃ કૃતા વૃક્ષવિતાનપૂર્ણા|
વૃક્ષાઃ કૃતા પુષ્પવિતાનપૂર્ણાઃ પુષ્પં કૃતં કેસર પત્ર પૂર્ણમ્||9||
કૃતાનિ વેશ્માનિચ પાંડુરાણિ તથાસુપુષ્પાણપિ પુષ્કરાણિ|
પુનશ્ચ પદ્માનિ સ કેસરાણિ ધન્યાનિ ચિત્રાણિ તથા વનાનિ||10||
પુષ્પાહ્વયં નામ વિરાજમાનં રત્નપ્રભાભિશ્ચ વિવર્થ માનમ્|
વેશ્મોત્તમાના મપિ ચોચ્ચમાનમ્ મહાકપિસ્તત્ર મહાવિમાનમ્||11||
કૃતાશ્ચ વૈઢૂર્યમયા વિહંગાઃ રૂપ્યપ્રવાળૈશ્ચ તથા વિહંગાઃ|
ચિત્રાશ્ચ નાનાવસુભિ ર્ભુજંગાઃ જત્યાનુરૂપાસ્તુરગા શ્શુભાંગાઃ||12||
પ્રવાળજાંબૂનદપુષ્પપક્ષા સ્સલીલ માવર્જિતજિહ્મપક્ષાઃ|
કામસ્ય સાક્ષાદિવ ભાંતિ પક્ષાઃ કૃતાવિહંગા સ્સુમુખાસ્સુપક્ષાઃ||13||
નિયુજ્યમાનાસ્તુ ગજાસ્સુહસ્તાઃ સ કેસરાશ્ચોત્પલપત્ત્રહસ્તાઃ|
બભૂવ દેવી ચ કૃતા સુહસ્તા લક્ષ્મીસ્તથા પદ્મિનિ પદ્મહસ્તા||14||
ઇતીવ તદ્ગૃહમભિગમ્ય શોભનમ્ સવિશ્મયો નગમિવ ચારુ શોભનમ્|
પુનશ્ચ તત્પરમસુગંધિ સુંદરમ્ હિમાત્યયે નગમિવ ચારુકંદરમ્||15||
તતસ્સ્ તાં કપિ રભિપત્ય પૂજિતાં ચરન્ પુરીં દશમુખબાહુપાલિતામ્ |
અદૃશ્યતાં જનકસુતાં સુપૂજિતામ્ સુદુઃખિતઃ પતિગુણવેગવર્જિતામ્||16||
તતસ્તદા બહુવિધભાવિતાત્મનઃ કૃતાત્મનો જનકસુતાં સુવર્ત્મનઃ|
અપશ્યતોsભવ દતિદુઃખિતં મન શ્શુચક્ષુષઃ પ્રવિચરતો મહાત્મનઃ||17||
ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે સપ્તમસ્સર્ગઃ||
|| Om tat sat ||